Қазақстан Республикасы Тәуелсіздігінің 30 жылдығына арналған нәтижелі білім беру тәжірибелерімен бөлісу және білім беру ұйымдарының көшбасшыларын анықтау мақсатында ҚР оқу орындары басшыларының қауымдастығы университеттер арасында «ҚР үздік кафедрасы – 2021» республикалық байқауын өткізді.
М.Қозыбаев атындағы СҚУ «Герман-роман филологиясы» кафедрасы «Гуманитарлық және қоғамдық ғылымдар» бағыты бойынша І дәрежелі дипломмен марапатталды. Қазылар алқасы кафедраның жетістіктерін, жоғары нәтижелерін және әлеуетін жоғары бағалады. Сондай-ақ, «Герман-роман филологиясы» кафедрасының меңгерушісі Кәкімова Майра Еренғайыпқызына байқаудың ұйымдастыру комитеті алғыс хат табыстады.
«Герман-роман филологиясы» кафедрасын жеңістеріңізбен құттықтаймыз!
