Qyzyljar Creative Center алаңында бірқатар IT, креативті жобалар, студенттер мен оқушылардың стартаптары, білім беру платформалары, сондай-ақ қолданыстағы цифрлық өнімдер таныстырылды. Олардың ішінде Қозыбаев университетінің Жасанды интеллект және цифрлық трансформация орталығы бар. Оның басты мақсаты – әлеуметтік салаларды, экономика мен бизнесті дамыту үшін процестерді автоматтандыру болып табылады. «3 қарашада ашылғанымызға қарамастан, жүзеге асырылып жатқан 8 жобамыз бар. Мәселен,  студенттер мен оқытушылардың корпустар арасында оңай қозғалуы үшін кесте құру процесін автоматтандыру жобасы болмақ. Тағы бір жоба – өтініштерді автоматтандыруға арналған AI-ticket. Сондай - ақ, Аризона студенттерімен бірге біз ЖИ көмегімен Raduga компаниясының деректерін іріктеу негізінде өнім ақауларын автоматтандырылған анықтауды қалыптастырамыз», - деді ЖИ және CT орталығының директоры Гүлнара Ким. Сондай-ақ, форумда Басқарма Төрағасы-Ректор Ербол Исақаев сөз сөйледі. Ол бүгінде еліміздің цифрлық экожүйесінде университеттердің рөлін, құзыреттілік алаңдар мен инновациялар орталығына айналатынын атап өтті. Қозыбаев университеті  жаңа буын мамандарын даярлау және ЖИ-ді білім беру, басқару және бизнес-процестерге интеграциялау бойынша жүйелі жұмыс жүргізеді. Қазіргі уақытта IT бағдарламаларында 659 студент, оның ішінде 190 - ы Аризона университетімен қос дипломды бағдарлама бойынша білім алады. Оның ішінде АҚШ-та 22 студент оқиды. Осы оқу жылында студенттер төмендегідей жобаларды жүзеге асырады: 1. Радуга кәсіпорны үшін өндірістік деректер мен ML-талдауларға негізделген өнім ақауларын автоматты түрде анықтау жүйесін әзірлеу; 2. Жіктеу алгоритмдерін қолдана отырып, жүрек-қан тамырлары ауруларының қаупін бағалаудың диагностикалық моделін жасау; 3. Білім беру көрсеткіштері негізінде студенттердің академиялық табыстылығын болжаудың IT-жүйесін әзірлеу. «Қозыбаев университеті жасанды интеллектті дамыту жөніндегі ұлттық жоба-AI Sana бағдарламасын іске асыру бойынша елдің алдыңғы қатарлы жоғары оқу орнына айналды. Бүгінде ол үздік 10 ЖОО-ға кіреді және Huawei, Coursera, Astana Hub платформаларында ЖИ арқылы базалық курстарды аяқтаған студенттер саны бойынша елімізде алдыңғы қатарда тұр. 11000-нан астам сертификат алынды; білім беруді, көлікті, медицинаны және ішкі аналитиканы дамыту үшін 5 ЖИ агенттері құрылды. Бұл жобалар университет пен өңірдің цифрлық экожүйесіне енгізіледі», - деді Ербол Исақаев. ЖОО-да KU AI School-жасанды интеллект мектебі іске қосылады, онда студенттер мен жоғары сынып оқушылары машиналық оқыту дағдыларын, нейрожелілерді веб-әзірлеу мен интеграциялауды меңгереді. Мұндай оқытудың нәтижесі өзіңіздің интеллектуалды қосымшаңызды құруға мүмкіндік береді. Бүгінде Қозыбаев университеті кадрларды дайындап қана қоймайды. Университет жергілікті атқарушы органдар, бизнес және ғылым синергиясының орталығы болып табылатын аймақтық AI экожүйесін құрып жатырмыз. Болашақта ел деңгейіне көтерілетін нәтижелі шешімдер пайда болады

Басқарма Төрағасы-Ректордың Қытай мен Польшадан келген шетелдік ғалымдармен кездесуінде жоғары білім беруді интернационалдандыру, бірлескен ғылыми қызмет және өңірдің аграрлық секторы үшін өзекті тақырыптарды дамыту мәселелері талқыланды. «Шетелдік ғалым»бағдарламасы аясында Агротехнологиялық факультетінде екі шетелдік профессор жұмыс жүргізеді. Ян Юсин – PhD докторы, ҚХР солтүстік-батыс ауыл және орман шаруашылығы университетінің Жануарлар ғылымы және технологиясы колледжінің доценті -біздің университетте 13 қазан мен 9 қараша аралығында тұрақтайды. Осы уақыт ішінде Ян Юсин : кафедра ғалымдарымен бірлесіп Food Chemistry халықаралық ғылыми журналына мақала дайындап, жолдады; АФ оқытушыларына арналған семинарлар және студенттер мен магистранттарға арналған дәріс сабақтарын өткізді; ПОҚ үшін біліктілікті арттыру курстарын ұйымдастырды. Познань жаратылыстану ғылымдары университетінің (PULS) доценті Аркадиуш Садовский қараша айының соңына дейін университетте болады. Ол студенттермен дәріс және практикалық сабақтар, оқытушыларға арналған семинарлар өткізеді, АФ ғалымдарымен бірлесіп ғылыми мақала дайындау бойынша жұмыс істейді. Екі шетелдік ғалым да өңірдің мал шаруашылығы кәсіпорындарына - ЖОО-ның серіктестеріне барды. «Сізді университет қабырғасында қарсы алу біз үшін үлкен мәртебе . Біз 2017 жылдан бері Қытайдың солтүстік-батыс ауыл және орман шаруашылығы университетімен стратегиялық серіктестік орнаттық. Мал шаруашылығы және Өсімдік шаруашылығы бойынша ғылыми зерттеулер саласында өте тығыз жұмыс жүргіземіз. Бірлескен зертханалар ашылды. Сондай-ақ, біздің студенттер жыл сайын тәжірибе мен тағылымдамалардан өтетін  Польшаның агроөнеркәсіптік кешендерімен  сенімді байланыс орнатылды. Дәл қазір біздің екі білім алушымыз Польшада. Бірлескен жұмысты одан әрі дамытуға, ғылыми жобаларды жүргізуге дайынбыз», - деді Ербол Исақаев . Ян Юсин өз кезегінде Қозыбаев университетінде академиялық ұтқырлық бойынша оқитын қытайлық студенттерге қолдау көрсеткені үшін университет басшылығына алғысын білдірді. Қазір бізде ҚХР-дан 29 білім алушы бар. «Біз үлкен бірлескен жұмыс жасаймыз: үшінші жыл қатарынан Қытайдан студенттер мен магистранттар сіздің ЖОО-ға келеді. Олар үшін барлық жағдайлар жасалады. Біз сіздің студенттеріңізді үлкен ықыласпен қарсы аламыз. Сондай-ақ қазір ауыл шаруашылығы саласындағы солтүстікқазақстандық үш сарапшы Қытайда ақылы тағылымдамадан өтеді. Солардың бірі- Қозыбаев университетінің оқытушысы болып табылады», - деп атап өтті Ян Юсин

Қаламыздағы жабық кешенде көпсайыстан Қазақстан кубогы өтті. 1-5 қараша аралығында өткен жарысқа университетіміздің спортшылары СҚО командасының құрамында өнер көрсетті. Солтүстік Қазақстан облысының құрамасы жеті медаль жеңді! Ең жақсы нәтижені Қозыбаев университетінің магистранты Никита Изотов көрсетіп, қатысқан жас тобында және Абсолютті біріншілікте екі алтын медаль жеңіп алды. Осылайша, Никита сегізінші рет Қазақстанның ең үздік спортшысы атанды! Дене шынықтыру және спорт кафедрасының аға оқытушысы және топ жаттықтырушысы Наумов Александр Владимирович ардагерлер арасындағы (40 жас және одан жоғары) Абсолютті біріншілікте жеңіске жетіп, 57-ші Қазақстан Чемпионы атанды! Университетіміздің түлектері Жоламан Актари, Юлия Безушко, Ангелина Кудрявцева және Ольга Вернер де турнирде ұлттық құрамада керемет өнер көрсетіп, медальдар жеңіп алды. Үздік спортшыларымызды құттықтаймыз!

Түркістан қаласында қазақ күресінен Әлем кубогы аяқталды.14 елден келген әлемнің ең үздік 100-ге жуық балуаны өзара мықтыны анықтады. Қатысушылар сегіз салмақ дәрежесіне бөлінді Қозыбаев университетінің студенті Дмитрий Динер ұлттық құраманың намысын қорғады. Біздің спортшы төрт жекпе-жек өткізді. Олардың үшеуі жеңіспен және біреуі ғана жеңіліспен аяқталды. Нәтижесінде Дмитрий 82 келіге дейінгі салмақ дәрежесінде қола медаль жеңіп алды. Мұндай беделді турнирдегі көрсеткіш бүкіл аймақ үшін үлкен жетістік және жас спортшылар үшін нағыз үлгі. Білім алушы мен жаттықтырушыларды керемет нәтижелерімен құттықтаймыз!

Қозыбаев университеті QS Asia 2026 рейтингінде сапалы көрсеткіш орнатты. 542 университет пен  қатысушылар саны артып, рейтингтік күрес айтарлықтай күрделенсе де, ЖОО өз позициясын сақтап қана қоймай, білім беру сапасының негізгі критерийлері бойынша серпінді өсім көрсетті. Бәсекелестіктің жаңа жағдайында Азияның 1526 ЖОО арасында 558 орын- университеттің даму стратегиясының тұрақтылығын растайды. Басты жетістік-өткен жылдағы негізгі көрсеткіштердің өсу қарқыны: * Жұмыс берушілердің бағасы 60% - ға өсті. * Зерттеулерді интернационалдандыруды бағалау (Халықаралық зерттеу желісі) 12 есе жақсарды. * Академиялық ұтқырлық (шығыс алмасу) 24,3-тен 49,4 баллға дейін рекордтық өсуді көрсетеді. QS World University Rankings: Central Asia 2026 аймақтық рейтингінде университет жалпы есепте 34 орында және Қазақстанның 44 ЖОО арасында 22 орында тұрып, мықты позициясын сақтап қалды. Биыл біз QS World University Rankings 2026 жаһандық рейтингіне ендік, онда еліміздің 20 жоғары оқу орны ғана ұсынылған. Бұл жоғары көрсеткішке университет ұжымының үйлесімді жұмысының, ҚР Ғылым және жоғары білім министрлігінің жан-жақты қолдауының, сондай-ақ халықаралық әріптестермен жемісті ынтымақтастықтың арқасында жеттік. Рейтингке қатысу-бұл жүйелі көзқарас пен ұзақ мерзімді стратегиялық жұмыс. Білім беру сапасына, зерттеулерді дамытуға және интернационалдандыруға бағытталған инвестициялар нәтиже береді. Қозыбаев университетінің студенттерін, оқытушылары мен серіктестерін құттықтаймыз!

Өңірлік коммуникациялар қызметінің алаңында  «СҚО-да алықаралық Стратегиялық серіктестердің форумы аясында ҚР Президентіне таныстырылған Қозыбаев университетінің ғылыми жобаларын іске асыру» тақырыбында брифинг өтті. Интернационалдандыру және халықаралық бағдарламалар жөніндегі Басқарма мүшесі Мансұр Әлімханов атап өткендей, Қозыбаев университеті мен Аризона университеті (АҚШ) арасындағы стратегиялық ынтымақтастық қазақстандық жастарға әлемдік деңгейдегі білім алуға арналған бірегей мүмкіндіктер жолын ашты. «Ынтымақтастық нәтижесі  үш жыл ішінде университет пен аймаққа түбегейлі өзгерістер әкелді. Бүгінде Аризона университетінде 11 бірлескен және 5 қос дипломдық бағдарлама бойынша 1200-ден астам студент оқиды. Егер бұрын Қозыбаев университетінде негізінен Солтүстік Қазақстаның  студенттері оқыса, бүгінде біз еліміздің барлық өңірлерінен, сондай-ақ АҚШ, Қытай және Ресейден келген жастарды қабылдаймыз»,-деп атап өтті Мансұр Әлімханов. Серіктестіктің келесі маңызды кезеңі - бірлескен ғылыми жобаларды әзірлеу. Олардың қатарында Астанада өткен Стратегиялық серіктестердің халықаралық форумында Мемлекет басшысының оң бағасын алған ғылыми жоба бар. Солардың бірі- «Қарапайым күкірттен инновациялық полимерлік материалдарды әзірлеу». Жоба Аризона университетінің профессоры Джеффри Пьюн басшылығымен жүзеге асырылады. Зерттеу тобының құрамында Қозыбаев университетінің Агротехнологиялық факультетінің деканы Алтын Шаяхметова да бар. «Қазақстан күкірт өндірісі бойынша әлемде жетінші орында. Біз бұл жобаны үш бағытта дамытуды жоспарлап отырмыз. Біріншіден, агрокластер үшін күкірттен жоғары құнды пластмассалар мен минералды тыңайтқыштар өндіру. Күкірт полимерлерін мұнай-газ өнеркәсібінде және жер қойнауын пайдалануда металдарды алу үшін де пайдалануға болады», - деді Алтын Шаяхметова. Сонымен қатар, профессор Дмитрий Берилло брифингте университеттің Солтүстік Қазақстан облысының халық денсаулығын сақтау жөніндегі стратегиялық маңызды  міндеттерді шешуге бағытталған бағдарламалық нысаналы қаржыландыру шеңберінде ірі жобаны жүзеге асыра бастағанын хабарлады. Жобаның мақсаты - су ресурстарын бақылау, тазарту және ұтымды пайдалану, сондай-ақ органикалық ауыл шаруашылығын дамыту үшін жоғары технологиялық жүйелерді әзірлеу. Бағдарлама бес қосымша компонентті: сумен жабдықтауды гигиеналық және эпидемиологиялық тәуекелді бағалаудан бастап су айдындарын биологиялық қалпына келтіруге және су мониторингін цифрландыруға дейін қамтиды. Зерттеу университетте Солтүстік Қазақстан облысындағы су ресурстары, денсаулық сақтау және тұрақты даму бойынша академиялық шеберлік орталығын құруға негіз болады. Жоғары дәлдіктегі зертханалық жабдықтар сатып алынады. Сарапшылар тобына Қазақстан, АҚШ, Ұлыбритания, Түркия және Қытай ғалымдары кіреді, бұл жоба озық әлемдік тәжірибелерді қамтитын болады.

Университетте студенттермен ашық диалог форматында кездесу өтті. Қатысушылардың арасында қос диплом бағдарламасы бойынша оқитын студенттер, соның ішінде халықаралық стратегиялық серіктестер форумына қатысқан білім алушы бар. Жуырда ҚР Президенті Қасым-Жомарт Тоқаевтың қатысуымен өткен «Қазақстан-академиялық білім беру аумағы» халықаралық стратегиялық серіктестер форумы өтті. Форумға еліміздегі шетел ЖОО филиалдарының студенттері қатысты. Олардың қатарына білім ордамызда «Басқарудағы ақпараттық жүйелер» мамандығы бойынша оқитын Аружан Ермұхан кірді. Ол Мемлекет басшысының алдында сөз сөйлеу мүмкіндігіне ие болды. Қозыбаев шаңырағында өткен кездесуде Аружан Ермұхан форумнан алған шабытымен бөлісті. Оның айтуынша, Қозыбаев университетінің Аризона университетімен бірлескен білім беру бағдарламаларында оқу мүмкіндігі оның өмірін түбегейлі өзгертті: «Мектепте оқып жүргенде шетелге барып оқысам деп армандайтынмын. Петропавл қаласында американдық Аризона университетінің филиалы ашылғанын естіп, бірден Қазақстанда американдық білім мен екі диплом алуға бел будым. Мен үшін Мемлекет басшысымен жүздесу, Қозыбаев университетінің атынан сөз сөйлеу – үлкен мәртебе әрі жауапкершілік. Бұл күн менің кәсіби әрі жеке дамуыма жаңа серпін мен үлкен мотивация берді». Студенттер, қос дипломды бағдарлама бойынша оқу туралы өз әсерлерімен бөлісті. Бойжеткен елімізде әлемдік деңгейдегі білім алу мүмкіндіктері туралы қатарлас студенттерге үндеу жасады. Бүгінде Қозыбаев университетінде Қазақстанның түкпір-түкпірінен, Қытайдан қандастар, АҚШ-тан, сондай-ақ Ресейден келген жастар оқиды.

Әкім Гауез Нұрмұхамбетов бастаған Солтүстік Қазақстан облысының делегациясы Татарстанға барды. Ресми сапар барысында тараптар өңірлер арасындағы өнеркәсіптік, инвестициялық және инновациялық ынтымақтастықты кеңейту перспективаларын талқылады, цифрландыру, инновациялар және сауда салаларындағы ынтымақтастықты нығайтуға бағытталған бірқатар негізгі келісімдерге қол қойды. Делегаттар құрамында Қозыбаев университетінің өкілдері де бар. Ынтымақтастықтың жаңа маңызды кезеңі- Қазан федералды университетімен меморандумға қол қойылды. Құжат жоғары оқу орындары арасындағы академиялық және ғылыми өзара байланысты дамытуға мүмкіндік береді. СҚО әкімі Татарстан Мемлекет басшысының алға қойған міндетін - Қазақстанның негізгі салаларына цифрландыру мен жасанды интеллектті енгізуде маңызды серіктес болатынын атап өтті. «Татарстан цифрлық трансформация мен инновацияның көшбасшысы ретінде бұл үдерісте маңызды серіктес болады. Ынтымақтастықты нығайту үшін Башир Рамеев атындағы IT-парк пен SKO hub арасында, сондай-ақ Қазан федералды университеті мен М.Қозыбаев атындағы СҚУ арасында ынтымақтастық туралы меморандумдарға қол қойылды. Бұл келісімдер бірлескен жобалар, IT-секторды дамыту және жоғары білікті мамандар даярлау үшін жаңа мүмкіндіктер ашады», - деді Гауез Нұрмұхамбетов

Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті төрағасының бұйрығымен «Компьютерлік ғылымдар және информатика»ғылыми бағыты бойынша «қауымдастырылған профессор (доцент)» ғылыми атағы техника ғылымдарының кандидаты, АКТ кафедрасы профессорының ассистенті Кухаренко Евгения Владимировнаға берілді. Евгения Владимировна жобаларды басқарудың, Әлеуметтік және экономикалық жүйелерді модельдеудің ғылыми бағытын белсенді дамытады. Оның есебінде Scopus дерекқорына кіретін 50-ден астам ғылыми жарияланымдар бар. Сондай-ақ Erasmus+ KZ "Advanced Center for PhD Students and Young Researchers in Informatics (ACeSYRI)"халықаралық жобасын сәтті басқарды. Евгения Владимировнаны лайықты атағымен шын жүректен құттықтаймыз! Отандық ғылым мен білімнің игілігі үшін одан әрі ғылыми табыстар, шабыт және жаңа жетістіктер тілейміз!

Қозыбаев университетінің командасы Қазақстан Республикасының Президенті Қасым – Жомарт Тоқаевтың қатысуымен өткен «Қазақстан-академиялық білім беру аумағы»халықаралық стратегиялық әріптестер форумына қатысты. Басқарма Төрағасы-Ректор Ербол Исақаев Мемлекет басшысын Аризона университетімен бірлескен жұмыстың нәтижелерімен таныстырды. Президенттің бастамасы бойынша Қазақстанда әлемнің жетекші университеттерімен бірлескен білім беру бағдарламалары табысты іске асырылуда және біздің жоба осы қатарда лайықты орын алады. Бүгінгі таңда біздің бағдарламаларымызда Қазақстанның барлық өңірлерінен, сондай-ақ АҚШ, Қытай және Ресейден 1200-ден астам студент оқиды. Бұл серіктестік қазақстандық студенттерге білім берудің әлемдік стандарттарына қол жеткізуге мүмкіндік беріп қана қоймай, ғылыми зерттеулерді дамытудың драйверіне айналды. Ғылыми ынтымақтастықтың негізгі бағыттарының бірі Аризона университетінің профессоры Джеффри Пьюн жетекшілігімен Қазақстанда күкіртті полимерлеу жөніндегі алғашқы зертхананы ашу болмақ. Зерттеулер қайта өңделген күкірттен жасалған инновациялық материалдарды әзірлеуге бағытталған, бұл Қазақстанға шикізат экономикасынан – экологиялық таза пластиктерді, тыңайтқыштарды және болашақ полимерлерді өндіруге қадам жасауға мүмкіндік береді. Мемлекет басшысы негізгі міндеттердің бірі білім мен ғылымның экономиканың нақты секторымен тікелей байланысын қамтамасыз ету екенін атап өтті. «Қозыбаев университетінің Аризона университетімен серіктестігінің арқасында күкіртті инновациялық полимерлерге айналдыру бойынша озық технология әзірленді. Бұл күкірттің үлкен қоры бар еліміз үшін, өте маңызды жоба. Бұл жоба біздің химия өнеркәсібіміздің дамуына елеулі серпін береді және, ең бастысы, бірқатар экологиялық проблемаларды шешуге ықпал етеді», - деп атап өтті Президент. Біз Мемлекет басшысына осындай жоғары баға беріп, бастамаларымызды қолдағаны үшін шын жүректен ризамыз!