Керлингті игерген әуесқой спортшыларымыз бұл жолы да бәсекелі ойын көрсетті. Салауатты өмір салтын насихаттау мақсатында университеттің 85 жылдығына арналған керлингтен ашық университет біріншілігі өтті. Оған 5 қатысушыдан құралған 8 команда бақ сынасты.
Жарысқа біздің студенттермен қатар, мектеп оқушылары, қала, облыс колледждерінің білім алушылары да қатысты. Қатысушылар мұз айдынында өз өнерлерін, күші мен ептілігін көрсете отырып, жеңіс үшін күресті.
Қызу ойын қорытындысы бойынша Ғ.Мүсірепов атындағы ауданның спортшылары 3 орынды иеленсе, педагогикалық факультетінің студенттері күміс жүлдегерлері атанды. Ал, жеңімпаз атағы ЖСМ мен ПФ командасына берілді. Жүйріктерді жеңістерімен құттықтап, алдағы уақытта да жаңа белестерді бағындыра берсін деп тілейміз!