1000-нан астам студент тегін білім алады

Грант жеңіп алған талапкерлер тізімі анықталды. ЖОО-на түсе отырып, әр үміткер өзінің қалаған білім грантын алғысы келеді. Осы жылы Қозыбаев университетінде 1000-ға жуық білімгер грант иегері атанды. Биыл балалардың Аризона университетімен бірлесе отырып, халықаралық қос дипломдық бағдарламалар бойынша тегін оқу мүмкіндігі бар .

«Бұл бағдарлама жаңа,  биыл ғана іске қосылды. Дегенмен қазірдің өзінде 170 грант бар. Айта кетсек, бұл бағдарламаға өте жоғары ұпай жинаған балалар оқуға түсті. Басты талаптардың бірі - ағылшын тілін білу. Университет,студенттерге бірінші курстан бастап тілдік кедергілерді жеңіп, ағылшын тілін меңгеруге көмектеседі. Сондықтан келесі жылы үміткерлер қатары артады деп ойлаймын», - деді қабылдау Департаментінің директоры Гүлмира Оспанова.

Сонымен қатар, «Қазақстан халқына» қоғамдық қоры ауылдық жерлердегі аз қамтылған отбасылардан шыққан талапкерлерге, жетім және кәмелет жасқа толғанға дейін ата-анасының қамқорлығынсыз қалғандарға, мүмкіндігі шектеулі жандарға 10 грант бөлді. Қабылдау комиссиясы өз жұмысын жалғастыруда. Құжаттар 25 тамызды қоса алғанда қабылданады. Үміткерлер қабылдау туралы өтінішті электронды форматта, «электрондық үкімет» веб-порталы арқылы да, университеттің қабылдау комиссиясының техникалық хатшыларының көмегімен де жіберуге құқылы.