Сөздәйектер галереясы
Мен барлық ұстаздарға былай ғибрат етемін: балалардағы білімге деген талап, ынта, құштарлық отын сөндіріп алмаңдар. Еңбек қуанышы еңбеккер адамның мақтаныш сезімін осы оттың тұтанар бірден-бір көзі.
Мықтыны анықтайтын спорт лига
Волейбол және футзалдан 1 курс студенттері арасында студенттік спорт лига ойындарының ашылу салтанаты өтті. Студенттерді сайыс алдында сергітіп және олардың жақсы нәтижелерге қол жеткізулері үшін , университеттің бас алаңында «Денсаулығымыз өз қолымызда» ұранымен дене шынықтыру жаттығуы ұйымдастырылды. Білім алушылар бір ырғақпен бойларын жаттықтырып, тәні саудың жаны сау екендігін көрсетті. Жаттығу шарасына барлығы 300-ге жуық білімгер қатысты.
Жарыста әр факультет намысын 7 команда қорғайды. Әрбір құрамада 10 ойыншы. Топтық айналымнан өткен қатысушылар, ақтық мәреде сынға түсіп, өзара мықтыны анықтайтын болады. Студенттік лига қыркүйектің 12-нен бастап 15-не дейін жалғасады. Барлық ойыншыларға сәттілік тілейміз!
