Сөздәйектер галереясы
Мұғалімдік мамандық – бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер – ол даналықты жүректен ұға білу болып табылады.
2023 жаңа жылына саяхат
Жаңа жыл мерекесіне қызу дайындық басталды. Түрлі түсті шамдар, жарқыраған шырша, университет өнерпаздарының да жаңажылдық бағдарламасы оқытушылар мен қызметкерлерді қуантты. Студенттеріміз қойылым кейіпкерін сомдап, өнерлерін паш етті. Сондай-ақ, өңірімізге танымал өнер адамдары қатысып, жаңа жылдық көңіл-күй сыйлады. Ал көрермендер сүйікті кейіпкерлерімен қосылып ән шырқап, би билеп, мәз-мейрам болды.
Биыл Аяз-ата мен Ақшақар, қазақ ертегісінің айшықты кейіпкері -Алдар көсенің қызықты оқиғаларымен байланыстырылған қойылым ұсынылды. Жаңа жылдық бағдарлама аясында кейіпкердің жиынтық бейнесі сомдалып, көрермендер алдар көсенің болмысы арқылы көңілдерін көтерді. Бағдарлама соңында өз өнерін көрсеткендерге сыйлықтар таратылды.
