Осындай ұранмен ЖОО-да Наурыз мейрамына арналған әуесқойлар мен жастар арасында баскетболдан турнир өтті. Төрт күн ішінде 6 құрама ең қызықты спорт түрлерінің бірінде жеңіс тұғыры үшін күресті. Жарысқа ПФ және ИСТФ студентерінен құралған ЖОО құрамасы «СҚУ Bears», «Виктория» БЖСМ жас спортшылары, сондай-ақ, колледж білім алушылары мен СҚО баскетбол қозғалысының ардагер спортшылары қатысты.
Біздің «СҚУ Bears» құрамасы допты қарсыластарының сақинасына барынша түсіріп, ең көп ұпай жинады. Екінші орынға Петропавл қаласының гуманитарлық-техникалық колледжінің баскетболшылары жайғасты. Сондай-ақ, көшбасшылар үштігінде ардагерлер құрамасы да бар. Бұл турнир Ақтауда бір жарым айдан кейін өтетін ҚР XII жазғы Универсиадасына дайындық болды. Алдағы уақытта жаңа жеңістер тілейміз! Біз университетіміздің спортшыларын қолдаймыз!