Қозыбаев университетінің Агротехнологиялық факультеті және АҚШ-тың Аризона университеті (Туксон қ) мен ҚХР-дың Солтүстік-батыс ауыл және орман шаруашылығы университеті, (Янглин қ.) халықаралық су ресурстары ғылыми орталығын құру туралы үшжақты меморандумға қол қойды. Серіктес ЖОО, климаттық жағдайлары ұқсас, жауын-шашын деңгейі төмен аймақтарда орналасқандықтан, меморандум шеңберінде ауыл шаруашылығы мен қалалық агломерациялар үшін су ресурстарын пайдаланудың ұтымды технологияларын әзірлеуді жоспарлап отыр.
«Сол арқылы климаттың өзгеруі мен су тапшылығын зерттеудің басым бағыттары анықталды: суды басқару экономикасы; ауыл шаруашылығында суаруды пайдалану, гидрология және су инженериясы, құрғақшылыққа төзімді дақылдарды интеллектуалды суару; суды тазарту, қайта өңдеу, микробиология, су қауіпсіздігі, суды ластаушы заттарды талдау, анықтау және жою»,- деп атап өтті АФ деканы Алтын Шаяхметова
Осы ынтымақтастық арқылы барлық қатысушы елдердің су индустриясы үшін кадрларды бірлесіп даярлау мүмкіндігі қарастырылады. Орталық жұмысы аясында шетелдік университеттер ғалымдары делегацияларының қаламызға алғашқы сапары маусым айына жоспарланған.
