Дәстүр бойынша университетте ПОҚ және қызметкерлер арасында спартакиада өткізіледі. Биыл ол спорттың 9 түрінен өтуде.Тоғыз құмалақ пен үстел теннисінен, сондай-ақ, бүгін волейболдан ойындар аяқталды. Сайысқа барлық факультеттер, әкімшілік-басқару қызметкерлері және Әскери кафедра қатысты.
Спартакиаданың салтанатты ашылуында еңбек ардагерлері, атақты спортшылар, турнир төрешілері сөз сөйледі. Еңбек сіңірген жаттықтырушы Александр Наумов атап өткендей, былтырғы жыл университетіміздің студенттері үшін жемісті болды. Бұл жолы халықаралық дәрежедегі спорт шебері атағын 4 курс студенті Никита Изотов алды.
Сонымен қатар, Республикалық қысқы Универсиаданың қорытындысы бойынша Қозыбаев университеті 1 орынға ие болды!Келесі аптада Спартакиада аясында шахмат, стритбол, жүзу, дартс, футзал, арқан тарту бойынша жарыстар өтеді. Сәттілік тілейміз! Мықтылар жеңіске жетсін!
