Университетте Вера Яворская аудиториясының салтанатты ашылуы өтті. Вера Никитична еңбек ардагері, тыл еңбеккері, Қазақ КСР халық ағарту ісінің үздігі, ҚР еңбек сіңірген туристі, жоғары санатты өлкетанушы, экскурсия жетекшісі болды. Өмірінің көп бөлігін туған жерін танып-білуге арнады. К.Д. Ушинский атындағы Петропавл Педагогикалық институтын бітіргеннен кейін, өзінің оқу ордасына жұмысқа орналасты. Соның нәтижесінде ол география және экология кафедрасында жарты ғасырға жуық еңбек етті. Осы кезеңде жүздеген жас мамандар мен ғалымдар дайындалды. Оқытушы өзінен кейін үлкен мұра қалдырды: соның ішінде, кітаптар, мақалалар, бейне-дәрістер бар. Шығармашылығының негізгі тақырыбы – туған жерді тану және Отанына деген сүйіспеншілік. Шарада Вера Яворскаяның жанұясы, достары, әріптестері мен серіктестері жылы естеліктерімен бөлісіп, оның география ғылымы мен өлкетану саласына қосқан елеулі үлесін атап өтті.
«Вера Никитична – облысымызға белгілі географ, өлкетанушы. Оның дәріс сабақтары қызықты өтетін. Ол газет, журналдардың штаттан тыс тілшісі болды. Облыстық теледидармен, Солтүстік Қазақстан тарихи-өлкетану мұражайымен, Ботаникалық бақпен, «Өрлеу» біліктілікті арттыру ұлттық орталығымен, облыстық география пәні мұғалімдерінің шығармашылық тобымен бірлесе жұмыс жасады. Сонымен бірге ол – аяулы ана, әже. Анамыз біздің бойымызда туған жерге деген сүйіспеншілігімізді оятты. Оның мұрағаттағы жұмысының арқасында отбасымыз осыдан 265 жыл бұрын Солтүстік Қазақстанға қоныс аударғанын білдік», – деді В.Н. Яворскаяның қызы Ольга Михайлова.
Атаулы аудиторияда студенттер үшін дәрістер мен практикалық сабақтар өтеді. Орнатылған стендтер мен ақпараттық материалдар арқылы студенттеріміз біздің ұлағатты ұстаздың өмірі мен шығармашылық жолы туралы білетін болады.
