Қозыбаев университетінің командасы математика, физика және информатика бойынша XXI Халықаралық Жәутіков олимпиадасы, сондай –ақ, мектеп оқушыларына арналған кәсіптік бағдар беру конференциясы аясында өткен «FIZMAT Education Fair- 2024», халықаралық білім беру көрмесіне қатысты. Бұл алаңда 8-11 сынып оқушылары мен олардың ата-аналары мамандық таңдау туралы барлық қажетті ақпаратты алды.Биылғы жылы көрме 2000-нан астам қатысушыны біріктірді, олардың арасында мектеп бітіруші оқушылар мен Қазақстанның түрлі өңірлерінен келген кәсіби бағдар берушілер және әлемнің 20 елінен келген олимпиада қатысушылары бар.
Көрмеде отандық және шетелдік университеттер, сондай-ақ жетекші білім беру орталықтары мен тілдік мектептер ұсынылды.Біз білім беру бағдарламаларымен, соның ішінде Аризона университетімен қос дипломды Бб, ғылыми зерттеулер және мансаптық мүмкіндіктермен таныстырдық. Осындай ауқымды іс-шарада оқу ордамыз білім беру саласындағы жетістіктерін көрсетіп, болашақ студенттерді ЖОО–ның перспективаларымен таныстыруға мүмкіндік берді. Қозыбаев университетінде оқуға қызығушылық танытқандардың барлығына алғыс айтамыз!
