Қозыбаев университетінің қыздар құрамасы өз шеберліктерін көрсетіп, жанкүйерлерін қуантты! Осы жолы Түркістан қаласында өтіп жатқан ҚР XIII жазғы Универсиадасы волейбол спортшыларын біріктірді. Ауқымды спорттық шараға еліміздің түкпір-түкпірінен жоғары оқу орындарының мықты командалары қатысты.Біздің студенттер тартысты додада мүмкіндіктерін қалт жібермей командалық рухты көрсетіп, жеңіс тұғырына көтерілді!
24 қарсыласы бар жекпе-жекте қыздарымыз қола жүлдеге ие болды!Ойындар 29 мамыр мен 3 маусым аралығында өтті. Біз Қозыбаев университетінің спортшыларымен мақтанамыз! Волейболшылар мен жаттықтырушылар құрамын шын жүректен құттықтаймыз!
Естеріңізге сала кетейік, Қозыбаев университетінің атынан 78 студент ХІІІ жазғы Универсиадада спорттың 8 түрінен қатысады. Алдағы уақытта спортшыларымызды волейбол,шағын футбол, бокс, жүзу, еркін, грек-рим күресі және қазақ күресінен жарыстар күтіп тұр. Іске сәт!
