Kozybayev University-де “AI Application in Educational and Professional Activities” атты халықаралық студенттік ғылыми семинар өтті

12 қарашасында 2025 жылы Kozybayev University-де Сапа апталығы аясында «Шет тілі» кафедрасының ұйымдастыруымен жыл сайынғы «AI Application in Educational and Professional Activities» халықаралық студенттік ғылыми семинары өтті. Іс-шара Қазақстан, Ресей және Қытай елдерінен келген қатысушыларды біріктіріп, жас зерттеушілердің жасанды интеллектке және оның түрлі қызмет салаларындағы рөліне деген жоғары қызығушылығын көрсетті.

Семинарды «Шет тілі» кафедрасының меңгерушісі Ляйли Шокатовна Исмагамбетова құттықтау сөзімен ашты. Іс-шараның модераторы — сеньор- дәріскер Наталья Петровна Шевелева.

Семинарға 12 баяндама дайындалып, ұсынылды. Әрбір жоба аудиторияның қызығушылығын тудырып, көптеген сұрақтарға себеп болды. Қазылар алқасы — «Шет тілі » кафедрасының аға оқытушысы В.Г. Степаненко, оқытушы К.Г. Джанунц, М.Б. Тебоев — келесі жеңімпаздарды анықтады:

1 орын – Li Yujie, Wang Yijia – Northwest A&F University (Қытай)
2 орын – Оспанов Тайыр – М. Қозыбаев атындағы Солтүстік Қазақстан университеті (Қазақстан)
2 орын – Жазит Ералы, Данияр Бексултан – ҚР Ұлттық гвардиясының Академиясы (Қазақстан)
3 орын – Рязанова Юлия – Омбы мемлекеттік педагогикалық университеті (Ресей)
3 орын – Ахметжан Бәқдәулет және Ботабеков Ақтай – ҚР Ұлттық гвардиясының Академиясы (Қазақстан)
3 орын – Xu Haoze, Wang Yao – Northwest A&F University (Қытай)

Қатысушылардың зерттеулері кең тақырыптарды қамтыды: жасанды интеллекттің робототехникада, күнделікті өмірде және шетел тілдерін оқытуда қолданылуы; оның әскери дайындықтағы, Ұлттық гвардияның коммуникациялық жүйелеріндегі, экологиялық тұрақтылық пен заманауи ауылшаруашылық технологияларындағы рөлі. Семинар қорытындысы бойынша барлық жоба авторларына дипломдар табысталды, ал ғылыми жетекшілерге сертификаттар берілді.

Семинар жоғары әдістемелік деңгейде өтіп, ҚР Ұлттық гвардиясы Академиясы мен ОмМПУ профессор-оқытушылар құрамынан оң бағасын алды. Сарапшылар мұндай халықаралық кездесулердің студенттердің ғылыми әлеуетін дамытудағы, жаһандық кәсіби ойлау қалыптастырудағы және елдер арасындағы академиялық ынтымақтастықты нығайтудағы маңыздылығын атап өтті.