Халықаралық академиялық тәжірибе: «Шетел тілдері» кафедрасының оқытушыларының Өзбекстандағы ғылыми тағылымдамасы

2026 жылдың 23 наурызы мен 5 сәуірі аралығында М. Қозыбаев атындағы Солтүстік Қазақстан университетінің «Шетел тілдері» кафедрасының 6 оқытушысы Өзбек мемлекеттік әлем тілдері университетінде ғылыми тағылымдамадан өтті.

Бұл тәжірибе біздің кәсіби дамуымыздағы маңызды кезең болды. Тағылымдама барысында біз лингвистика және мәдениетаралық коммуникация саласындағы білімімізді тереңдетіп, шетел тілдерін оқытудың заманауи әдістемелерімен таныстық, сондай-ақ ғылыми пікірталастар мен академиялық іс-шараларға қатыстық. Сонымен қатар, тағылымдама аясында инклюзивті білім беру және оқу үдерісінде жасанды интеллектті қолдану сияқты өзекті бағыттар бойынша маңызды біліктілікті арттыру курсынан өттік.

Әсіресе университет оқытушылары және зерттеушілерімен өзара әрекеттесу, тәжірибе мен идея алмасу, сондай-ақ білім беру үдерісіне жаңа қырынан қарау мүмкіндігі ерекше құнды болды.

Тағылымдама университет қаражаты есебінен жүзеге асырылды, бұл мұндай академиялық мүмкіндіктерді оқытушылар үшін анағұрлым қолжетімді әрі маңызды етеді.

Бізге біліктілігімізді арттыруға мүмкіндік бергені үшін М. Қозыбаев атындағы СҚУ ректоры Исакаев Ербол Маратовичке, сондай-ақ Тіл және әдебиет институтының директоры Сабиева Е.В.-ға шынайы алғысымызды білдіреміз. Бұл мүмкіндік болашақта алған білімімізді тәжірибеде тиімді қолдануға жол ашады.