М. Қозыбаев атындағы СҚМУ-да 2019 жылдың қантардың 14 күні «Сұнқар» спорт клубының ұйымдастыруымен «Сергектік және денсаулық» спартакиадасы аясында оқытушулар арасында баскетболдан дәстүрлі жарыс өтті. Аталмыш шараға педагогика факультеті, агротехнологиялық факультет және тарих, экономика және құқық факультетінің ұстаздарымен қатар университетіміздің қызметкерлері де ат салысты.
Бірінші ойында педагогика факультеті мен тарих, экономика және құқық факультеттері бақтарын сынады. Дәстүрлі сайыстың мақсаты – салауатты өмір салтын насихаттау, бұқаралық спортты дамыту.
Байрақты бәсекенің нәтижесі бойынша 1 орынды педагогика факультеті иеленсе, жүлделі 2 орын агротехнологиялық факультетіне бұйырды. Ал, 3 орынға тарих, экономика және құқық факультеті лайықты деп танылды.
