М.Қозыбаев атындағы СҚМУ "География және экология" кафедрасының аға оқытушысы Гүлнұр Мажитова ҚР Тұңғыш Президенті-Елбасы Қорының трэвел– грантын жеңіп алды, бұл оған Томск мемлекеттік ұлттық зерттеу университетінде (РФ) екі апталық тағылымдамадан өтуге мүмкіндік берді.
Гүлнұр Мажитова географияны оқытуда сандық технологияларды қолдану бойынша білім алды. Экологиялық-географиялық зерттеулердегі ГИС-технологиялардың, геоақпараттық картографиялаудың және қашықтықтан зондтаудың жаңа әдістерін зерттеді.
Алған теориялық білім мен практикалық тәжірибе педагог студенттердің оқу процессіне, сондай-ақ өзінің ғылыми ізденістері мен ғылыми мақалаларын дайындауға белсенді түрде енгізетін болады.