Университет тарихында алғаш рет ZOOM алаңында докторлық диссертацияларды онлайн-қорғау рәсімі өтті. Елдегі ТЖ жарияланған жағдайда қорытынды аттестаттаудың қашықтықтан нысаны М.Қозыбаев атындағы СҚМУ докторантурасында оқу үдерісінің оңтайлы аяқталуына айналды. Дебют табысты болып, біздің ғалымдардың еңбегі лайықты бағаланды. Қорғау рәсімі шамамен 12 сағатқа созылды. Әр докторантта отандық ғылыми кеңесшілер бекітілді.
Нәтижесінде диссертациялық Кеңестің барлық мүшелері бірауыздан PhD докторлары дәрежесін беруге дауыс берді:
- Савостина Галина Владимировнаға;
- Кошекова Бибігүл Викторовнаға;
- Икласова Кайнижамал Есимсеитовнаға;
- Ратушная Татьяна Юрьевнаға;
- Сергей Ильдусович Латыповқа.
Олардың барлығы инженерия және сандық технологиялар факультетінде "Радиотехника, электроника және телекоммуникациялар", "Информатика, есептеу техникасы және басқару", "Машина жасау" және "Электр энергетикасы" білім беру бағдарламалары бойынша білім алған.
Ғалымдарды философия докторы (PhD) ғылыми дәрежесін алу үшін диссертацияларды сәтті қорғауларымен құттықтаймыз!
