Соңғы жылдары қыркүйектің үшінші жексенбісі Тілдер күні ретінде атап өтіледі. «Қазақстан халқы Ассамблеясы» және «Орыс тілі мен әдебиеті» кафедралары бірлесіп, Тілдер күнін мерекелеу аясында студенттерге «Сіздермен бір-бірімізді аударайық...» әдеби қонақ бөлмесін онлайн режимде өткізді.
Әдеби қонақ бөлмесін өткізу барысында студенттерге «Абай – Қазақстанның ұлттық бренді» тақырыбы бойынша дәріс, Kozybayev University профессорлық-оқытушылар құрамы мен қызметкерлерінің «Абайды бірге оқиық» бейне челленджін қарау, Герольд Бельгердің шығармашылығы туралы презентация, Солтүстік Қазақстан ақындарының авторлық өлеңдері ұсынылды.
Кездесу соңында студенттер тіл үйренудегі көкжиектерін кеңейтіп, Абай, Г.Бельгер, Солтүстік Қазақстан ақын-жазушыларының шығармашылық мұраларына қосылуға, сондай-ақ өз өлеңдерін жазудағы алғашқы қадамдарын жасауға тілек білдірді.
