Барлық білім алушылар үшін тамаша жаңалық! Біздің университетке мемлекет деңгейінде үлкен қолдау көрсетіледі. Осы жоба шеңберінде қаражат бағытталатын болады:
- білім беру бағдарламаларын жаңартуға;
- ғылыми зерттеулерді жүргізу және оқыту үшін инфрақұрылымды дамыту;
- халықаралық ғылыми жобаларға қатысуды қаржыландыру және т.б.
Сондай-ақ университетте республикалық бюджет қаражаты есебінен:
* 600 орынға арналған 2 студенттік жатақхана құрылысы;
* жұмыс істеп тұрған үш жатақхана мен бес оқу корпусына күрделі жөндеу жүргізу.
Жыл сайын көрші елдердің жоғары оқу орындарынан бізге ауысатын студенттерге 200 арнайы білім грантын бөлу мәселесі қарастырылуда. Сондай-ақ, Қозыбаев университетінде студенттер ағынын ынталандыру үшін 2000 арнайы грант бөлінеді.
