2022 жылдың 11 мамырынан 2022 жылдың 28 маусым аралығында М. Қозыбаев атындағы СҚУ-yың «100 үздік білім алушысы» байқауы өткізілді.
Байқаудың негізгі мақсаты – университетте оқу барысында өзін оқуда, ғылымда, студенттік өзін-өзі басқаруда, спортта, шығармашылықта және басқа да қызмет салаларында белсенді көрсеткен университет білім алушыларын анықтау және ынталандыру.
Конкурсты «Рухани жаңғыру» әлеуметтік-гуманитарлық зерттеулер институты Академиялық қызмет департаментімен, ғылым департаментімен, М. Қозыбаев атындағы СҚУ тәрбие және әлеуметтік жұмыс департаментімен бірлесіп өткізді..
І кезеңде байқауға қатысушылар өтініммен бірге қоса берілген нысанға сәйкес «Менің жетістіктерім – менің нәтижем» портфолиосын ұсынды.
Байқаудың ІІ кезеңінде іріктеу және байқау қорытындысы шығарылды. Ең жоғары рейтинг жинаған (кәсіби құзыреттерді, жеке және кәсіби жетістіктерді бағалау балдарының сомасы) білім алушыларға арнайы сертификаттар берілді.
Байқаудың жеңімпаздары университет факультеттерінің 12 білім алушысы болды.
