Блоги - ku.edu.kz

Сайлаубай А. Е 01 февраля 2019

Вопрос

Сәлеметсізбе! Спорттық үйірмелер жөнінде сұрайын деген едім. Волейбол, Баскетбол, үстел теннис бойынша. оған арнайы жазылу керек пе? Және қай уақытта, болатынымен хабардар етсеңіздер. Екіншіден академиялық ұтқырлық бағдарламасы бойынша басқа елге немесе Қазақстанның қалаларына ауысуыма қандай жағдай да мүмкіндік беріледі??? Қазақстанның басқа қалаларына ауысу үшін мысалы : Алматы қаласына. ол қаладан біздің қаламызға яғни Петропавл қаласына ауысуға бір студентті өзім табу керекпін бе? Сол жайында толық ақпарат беріп өтсеңіз. жауаптарыңызға көп рахмет!

Ответ

Құрметті Сайлаубай Ақтоты Елбасықызы!

1. Волейбол, баскетбол, үстел теннисі бойынша спорттық үйірмелері келесі кестеге сәйкес өткізіледі

№	Үйірме	Дүйсенбі	Бейсенбі	Сәрсенбі	Сейсенбі	Жұма	Өткізу орны	Жаттықтурышының аты-жөні
1	Волейбол	19:00-20:40			19:00-20:40		С.З.№1, 1 корпус	Исеков Берик Макенович
2	Баскетбол		17:00-18:40		17:00-18:40		С.З.№1, 1 корпус	Антоненко Павел Сергеевич
3	Үстел теннисі			17:00-18:40		17:00-18:40	С.З.№3, 6 корпус	Гоненко Сергей Владимирович

2. Жылына 2 рет ақпан және қараша айларында ҚР Білім және ғылым министрлігінің қаражаты есебінен академиялық ұтқырлық шеңберінде шетелде оқу бағыты бойынша конкурс жарияланады. Конкурсқа төлем нысанына қарамастан тек қана студенттер (бакалаврлар) қатыса алады.

Аталмыш конкурсқа қатысу үшін академиялық ұтқырлық бөліміне (211 кабинет, № 2 оқу ғимараты) келесі құжаттарды тапсыруы тиіс:

паспорттың нотариалды түрде расталған көшірмесі;
082 у мелициналық анықтамасы;
ағымдағы орындау туралы транскрипт;
IELTS сертификаты, TOEFL, PDT немесе шетелдік жоғары оқу орнынан (Еуропа, Оңтүстік-Шығыс Азия) ресми шақыру хаты;
18 жасқа толмаған үміткерлер үшін ата-анасының нотариалды куәландырылған жазбаша келісімі.
куәліктердің, сертификаттардың, дипломдардың, алғыс хаттардың көшірмесі (бар болса, мамандық бойынша, нотариалды расталған және мемлекеттік немесе орыс тіліне аударылған;
«Әлеуметтік осал топтан оқитын студент» мәртебесін растайтын құжаттардың көшірмелері (бар болса).

Сайысқа қатысу үшін студентке келесі талаптар қойылады:

М. Қозыбаев атындағы СҚМУ студенті болу;
оқудағы жақсы үлгерім (3 деген баға болмауы тиіс);
ағылшын тілін жоғары деңгейде білу.

Академиялық ұтқырлық бағдарламасы бойынша Ресей немесе Қазақстан жоғары оқу орындарына бару үшін шетел тілін білу міндетті емес, алайда бұл бағыттарға бару үшін студент өз есебінен қаражат төлейді (жол шығындары және жатақхана ақысы), тек оқуы тегін. Бұл үшін академиялық ұтқырлық бөліміне жылына екі рет студент тапсырыс бере алады: наурыз және қараша айлары.

Сіздің орныңызға студентті Сіз табуыңыз міндетті емес, бұл жұмысты академиялық ұтқырлық бөлімі немесе кафедра атқаруы тиіс.

Категории

Галерея цитат

Новости факультетов