Проект ориентирован на людей старшего поколения и направлен на создание условий для непрерывного образования, активного долголетия и социальной самореализации. Участникам доступны курсы по самым разным направлениям — от цифровой грамотности и изучения языков до вопросов здоровья, права и творческого развития. В 2025 году Kozybayev University стал членом Казахстанской ассоциации серебряных университетов, а также заключил меморандум о сотрудничестве с Международной ассоциацией университетов третьего возраста (AIUTA). Это открыло новые возможности для обмена опытом и участия слушателей в различных образовательных инициативах. В настоящее время в нашем вузе программа «Серебряного университета» включает 7 курсов. Занятия ведутся дважды в неделю. За весенний семестр обучение прошли три группы по направлениям «Йога», «Travel-журналистика» и «Введение в искусственный интеллект». Их участниками стали около 35 человек. Теперь в рамках работы Казахстанской ассоциации серебряных университетов четверо наших слушателей в июне посетят Летнюю школу, которая пройдет в Зеренде. Стоит отметить, что это уже второй поток слушателей в Kozybayev University. Первый прошел в осеннем семестре, его завершили 27 человек. Набор в «Серебряный университет» продолжается. Желающие могут ознакомиться с перечнем курсов на сайте университета и подать заявление в Институт непрерывного образования (10-й корпус, аудитория 514). Участниками программы могут стать сотрудники и пенсионеры вуза, а также горожане в возрасте от 50 лет.

ҚХР Солтүстік-Батыс ауыл және орман шаруашылығы университеті (NWAFU) серіктестерінің Қозыбаев университетіндегі үш күндік жұмыс сапары мазмұнды әрі нәтижелі өтті. Делегацияны университет проректоры Чжан Хунмин басқарды. Университет басшылығымен өткен кездесуде екі жоғары оқу орны арасындағы тоғыз жылдық ынтымақтастықтың негізгі нәтижелері таныстырылды. Әсіресе агрономия, мал шаруашылығы және су ресурстарын басқару бағыттарындағы бірлескен зерттеулерге ерекше назар аударылды. Сондай-ақ академиялық ұтқырлық, магистранттар мен докторанттарды даярлау, қос диплом бағдарламаларын іске асыру, халықаралық ғылыми басылымдардағы бірлескен жарияланымдар және халықаралық жобаларға қатысу сияқты ғылыми-зерттеу қызметіндегі жетістіктер таныстырылды. Келіссөздер барысында тараптар серіктестікті одан әрі дамыту мүмкіндіктерін талқылады. Азық-түлік қауіпсіздігін қамтамасыз етуге, ауыл шаруашылығын тұрақты дамытуға, заманауи агротехнологияларды енгізуге және аграрлық сектор үшін жоғары білікті кадрлар даярлауға бағытталған бірлескен ғылыми жобалар ерекше қызығушылық тудырды. Сапар аясында қонақтар Агротехнологиялық факультетінің зертханаларын аралады. Оның 3-і  қытайлық серіктестермен бірлесіп ашылған. Делегация мүшелеріне өсімдік шаруашылығы, мал шаруашылығы, биотехнология, су ресурстарын басқару және ауыл шаруашылығын цифрландыру салаларындағы ғалымдардың ғылыми жобалары мен инновациялық әзірлемелері таныстырылды. Болашақтағы бірлескен зерттеулерді дамыту мақсатында NWAFU өкілдері ЖОО-ға  сүттің сапалық көрсеткіштерін анықтауға арналған екі заманауи сүт анализаторын (10-нан астам көрсеткіш бойынша) табыстады. Құрылғылардың бірі университетпен бірлескен зерттеулер жүргізілетін «Мамбетов и К» КТ базасында орнатылды. Сонымен қатар, СҚО-дағы серіктес шаруашылықтарға сиырлардың буаздығын және сүтті  жедел анықтауға арналған тест-жүйелер берілді. Бұл жабдықтар мен технологиялар мал шаруашылығы саласындағы ғылыми жұмыстарды жаңа деңгейге көтеруге мүмкіндік береді. Сапар барысында NWAFU делегациясы ҚХР Солтүстік-Батыс ауыл және орман шаруашылығы университеті мен Агротехнологиялық факультетінің демонстрациялық алаңдары «Мамбетов и К» ЖШС мен «Қызылжар Сүт» ЖШС-на барды. Бұл кәсіпорындар базасында ғылыми зерттеулер жүргізіліп, студенттердің практикалық даярлығы жүзеге асырылады. Кәсіпорын басшылығы және мамандарымен өткен кездесулер барысында ғылыми өндірістік міндеттер мен технологиялық сұраныстар талқыланды. Тараптар мал шаруашылығы саласындағы практикалық мәселелерді шешуге бағытталған қолданбалы зерттеулердің маңыздылығын атап өтіп, «ақылды ферма» технологиялары мен мал шаруашылығын цифрландыру жобаларын іске асыру перспективаларын қарастырды. Айтып өткен жөн, біздің университет 2017 жылдан бері «Бір белдеу, бір жол» халықаралық бастамасы аясында Қытайдың Солтүстік-Батыс ауыл және орман шаруашылығы университетімен стратегиялық ынтымақтастықты дамытып келеді. Екіжақты ынтымақтастықтың негізгі бағыттарының бірі – академиялық ұтқырлық. Осы жылдар ішінде Қытайдан 100-ге жуық студент пен магистрант біздің университетте білім алды, оқу ордамыздың 30 студенті қытайлық жоғары оқу орнында оқыды. Қазіргі уақытта Қытайда университеттің 35 студенті (оның ішінде қос диплом бағдарламасы бойынша 2 магистрант) және 2 докторант білім алады. Бүгінде тараптар Солтүстік Қазақстан облысында азық-түлік қауіпсіздігі, агрономия, селекция, су ресурстарын басқару және сүт бағытындағы асыл тұқымды бұқалар станциясын құру салаларында ауқымды бірлескен ғылыми зерттеулер жүргізеді. Университеттің басты міндеттерінің бірі – өңірлік ғылыми кластерлерді дамыту.  Осы орайда агроөнеркәсіптік кешен мен азық-түлік қауіпсіздігі салаларына ерекше басымдық беріледі.

С. Сейфуллин атындағы Қазақ агротехникалық зерттеу университеті базасында Қытайдың жетекші аграрлық жоғары оқу орындарының бірі — Солтүстік-Батыс ауыл және орман шаруашылығы университеті (NWAFU) мен Қазақстан Республикасының жоғары оқу орындары және ғылыми-зерттеу ұйымдары арасындағы ынтымақтастықтың 10 жылдығына арналған халықаралық іс-шара өтті. Шараға ҚР Ауыл шаруашылығы министрлігінің, Манаш Қозыбаев атындағы Солтүстік Қазақстан университетінің, А.Байтұрсынұлы атындағы Қостанай өңірлік университетінің, Қазақ егіншілік және Өсімдік шаруашылығы ғылыми-зерттеу институтының, А. И. Бараев атындағы Астық шаруашылығы ғылыми-өндірістік орталығының өкілдері, сондай-ақ Қазақстан мен Қытай ғалымдары қатысты. Қозыбаев университетінің Басқарма Төрағасы – Ректоры Ербол Исақаев құттықтау сөз сөйлеп, ынтымақтастық жылдарында аграрлық ғылым, кадрлар даярлау, академиялық ұтқырлық және бірлескен зерттеулер саласында елеулі нәтижелерді атап өтті. Қазақстан мен Қытайдың университеттері және ғылыми ұйымдары арасындағы ынтымақтастық Ауыл шаруашылығы білімі мен инновациялар альянсы аясында белсенді дамып келеді. Бұл серіктестік ғылыми әлеуетті біріктіруге, заманауи агротехнологияларды енгізуге, бірлескен зерттеулерді жүзеге асыруға және жаңа буынның бәсекеге қабілетті мамандарын даярлауға бағытталған тиімді халықаралық алаңға айналды. Форумның басты мақсаты — халықаралық ғылыми-білім беру әріптестігін нығайту, сондай-ақ азық-түлік қауіпсіздігінің стратегиялық міндеттерін шешу, ауыл шаруашылығын тұрақты дамыту және агроөнеркәсіптік кешенді технологиялық жаңғырту бағытындағы күш-жігерді біріктіру. Ғылыми секция шеңберінде тұрақты Ауыл шаруашылығы, аграрлық саланы цифрландыру, жемшөп өндіру, селекция, экология және аграрлық салаға инновациялық технологияларды енгізу мәселелеріне арналған ғалымдар мен зерттеушілердің баяндамалары ұсынылды. Мұндай халықаралық алаңдар университеттер арасындағы әріптестік байланыстарды нығайтады және жаңа бірлескен ғылыми жобалар мен ұзақ мерзімді ынтымақтастыққа негіз жасайды

Қазақстанның жетекші жоғары оқу орындарын біріктіретін Академиялық адалдық лигасының басты мақсаты — ашықтық, әділеттілік, академиялық этика және өзара сенім қағидаттарына негізделген білім беру ортасын қалыптастыру. SDU University базасында жыл сайынғы Лига форумы өтті. Биыл ұйымның құрылғанына 8 жыл толып отыр. Панельдік сессия аясында қазақстандық жоғары оқу орындарының жетекші сарапшылары мен басшылары өзекті цифрлық және институционалдық сын-қатерлерге арналған стратегиялық баяндамаларын ұсынды. Шара барысында Академиялық адалдық лигасының сарапшыларын марапаттау рәсімі өтті. Академиялық этика құндылықтарын ілгерілетуге қосқан елеулі үлесі мен белсенді қызметі үшін Қозыбаев университетінің сыбайлас жемқорлыққа қарсы комплаенс-қызметінің басшысы Инна Джемалединова құрмет грамотасымен марапатталды. Одан кейін жаңа 2026–2027 оқу жылына Лига төрағасын сайлау бойынша жалпы жиналыс өтті. Төрағалыққа екі жоғары оқу орны — Халықаралық ақпараттық технологиялар университеті мен Қозыбаев университеті үміткер болды. Университет атынан ұсынылған өтінімді Академиялық мәселелер жөніндегі Басқарма  мүшесі Айгуль Нурпеисова таныстырды. Қорытынды дауыс беру нәтижелері бойынша жалпы жиналыс мүшелерінің басым көпшілігі (70%/30%) Қозыбаев университетін қолдады. Бұл нәтиже академиялық қауымдастықтың университетке деген жоғары сенімін көрсетіп, оның Қазақстандағы академиялық адалдық қағидаттарын нығайту жолындағы көшбасшылық рөлін тағы бір мәрте айқындады.

Академик Е.А. Бөкетов атындағы Қарағанды ұлттық зерттеу университеті базасында «Шет тілі: екі шет тілі» мамандығы бойынша зияткерлік-лингвистикалық сайыс өтті. Байқауда біздің студенттер жоғары нәтиже көрсетіп, жүлделі орындарға ие болды. Неміс тілі бойынша Даниэль Брук II орын, ал француз тілі бойынша Биржан Казбеков III орын алды. Студенттердің ғылыми жетекшісі — «Герман-роман филология» кафедрасының аға оқытушысы С.М. Медведева. Байқаудың бірінші кезеңінде қатысушылар аудиомәтіндерді тыңдап, мәтіндермен жұмыс жасап, лексика-грамматикалық тест тапсырмаларын орындады. Ал екінші кезеңде қатысушылар шет тілінде электронды презентация форматында жеке жобаларын қорғады. Біздің студенттер университет намысын абыроймен қорғап, лайықты дипломдармен марапатталды. Қатысушыларды  құттықтаймыз!

ЖОО кітапханасының оқу залында көру қабілеті бұзылған студенттерге арналған арнайы оқу құрылғысы орнатылды. Бұл заманауи технология баспа мәтіндерін, кітаптар мен құжаттарды өз бетінше оқып, оқу материалдарын еркін меңгеруге мүмкіндік береді. Құрылғының жұмыс жүйесі қарапайым әрі ыңғайлы: кіріктірілген камера немесе сканер мәтінді түсіріп, бағдарлама басылған таңбаларды таниды. Кейін мәтін дыбыстық форматқа ауыстырылып, динамик немесе құлаққап арқылы оқылады. Мұндай технология студенттердің ақпаратқа қолжетімділігін арттырып қана қоймай, олардың академиялық және әлеуметтік ортаға бейімделуіне де ықпал етеді. «Жаңа жабдық университетте қолжетімді әрі инклюзивті білім беру ортасын қалыптастыру мақсатында сатып алынды. Құрылғы студенттерге 20 тілде оның ішінде қазақ, орыс және ағылшын тілдеріндегі оқу және ғылыми әдебиеттермен өз бетінше жұмыс істеуге мүмкіндік береді», — деді кітапхана директоры Асия Ермишева. Қазіргі таңда университетте көру қабілеті бұзылған 16 студент білім алады. «Оқу құрылғысы студенттердің кітапхана ресурстарын пайдалану мүмкіндігін едәуір кеңейтеді. Олар енді баспа басылымдарымен, оқу материалдарымен және түрлі құжаттармен өз бетінше жұмыс істей алады. Бұл ерекше білім беру қажеттіліктері бар студенттердің сапалы білім алуына оң әсер етеді», — деп атап өтті Қозыбаев университетінің инклюзивті білім беру орталығының басшысы Акжан Карим. Сонымен қатар, ерекше білім беру қажеттіліктері бар студенттер үшін кітапханада Брайль қарпімен басылған әдебиеттер, кітаптардың аудио нұсқалары және цифрланған басылымдар қолжетімді. Университет кітапхана кеңістігін жаңғыртып, заманауи инклюзивті технологияларды енгізу арқылы қолжетімді білім беру ортасын дамытуға басымдық береді.

Соңғы қоңырау - жаңа мүмкіндіктерге жол ашып, үлкен армандар мен жарқын жетістіктерге бастайтын маңызды белес. Бүгін Қозыбаев университетінің өкілдері Петропавл қаласы мен Солтүстік Қазақстан облысының аудандарындағы 25 білім беру мекемесіне барды. Біздің университет үшін республикалық олимпиадалар мен ғылыми жобаларда үздік нәтиже көрсеткен дарынды түлектерге білім гранттарын табыстау ерекше маңызды. Биыл 13 түлек тегін білім алуға сертификат иеленді. Біз жас таланттарға қолдау көрсетіп, әрбір студент өз әлеуетін ашып, сапалы білім алып, кәсіби болашағын сенімді түрде қалыптастыра алатын орта құруға ұмтыламыз. Түлектердің ұстаздары мен ата-аналарына алғыс айтамыз. Ал жас түлектерге  алдағы қадамдарына сәттілік тілейміз!

Ислам Евлоев грек-рим күресінен Азия чемпионы атанды Вьетнамның Дананг қаласында күрес бойынша жастар чемпионаты басталды (U23). Қазақстан құрамасының қоржынына Қозыбаев университетінің дене шынықтыру және спорт кафедрасының студенті Ислам Евлоев алтын медаль алып келді. Ислам 97 келіге дейінгі салмақ дәрежесінде сынға түсіп, барлық төрт белдесуінде де сенімді жеңіске жетті. Ислам Евлоев -жастар арасында әлем чемпионы және ересектер арасындағы Азия Чемпионатының жүлдегері, Хорватияда өткен «Zagreb Open» рейтингтік турнирінің және Эр-Риядтағы VI Ислам ынтымақтастығы ойындарының күміс жүлдегері атанды. Халықаралық аренадағы жарқын жеңісіңіз құтты болсын!

Жыл сайын Қозыбаев университетінде халықаралық ынтымақтастықты және тілдік бағыттарды дамытуға көңіл бөлінеді. Университет шетелдік серіктестермен академиялық байланыстарды белсенді түрде нығайтып, мәдениеттердің өзара  тәжірибе алмасуына жағдай жасайды. Осындай ынтымақтастықтың  бірі «Герман-роман филология» кафедрасындағы түрік тілін меңгеру сабақтары болып табылады. 2025 жылдың қазан айынан бастап ЖОО-ға Түркияның Қазақстан Республикасындағы Елшілігінің қолдауымен жүзеге асырылып жатқан бағдарлама аясында Түркиядан келген профессор – Гоктюрк Джебеджиоглу  жұмыс істейді. Бұл бағдарлама тілдік білім беруді дамыту, мәдени байланыстарды нығайту және елдер арасындағы академиялық ынтымақтастықты кеңейту мақсатында түрік оқытушыларын шетелдік университеттерге тартуды көздейді. Профессор өз жұмысын келесі жылы біздің  білім ордамызда жалғастырады. Гоктюрк Джебеджиоглу алғашқы сабақтарынан бастап студенттермен жұмыс жасауда ерекше тәсілдерді қолданады. Ол тілді практикалық қолдануға баса назар аударады, студенттердің сөйлеу дағдыларын дамытады, сонымен қатар тілдік ортада өздерін сенімді сезінуге көмектеседі. Профессор студенттерді Түркияның  дәстүрлерімен, өмір салты және мәдени мұрасымен таныстыруға ерекше назар аударады. Осының арқасында білім алушылардың тілге деген қызығушылықтары үнемі артып келеді. Кафедра оқытушылары мен студенттері Сивас қаласының дәстүрлі «Çubukçuluk Sanatı» санатымен, профессордың туған өлкесінің бай мәдени мұрасымен жақынырақ танысуға мүмкіндік алды. Сондай-ақ, профессор оқушылармен кәсіби бағдар беру кездесулеріне және университетте өткен Ашық есік күндеріне қатысты.  Арнайы ұйымдастырылған стендте елдің тілі, мәдениеті мен дәстүрлері туралы материалдар ұсынылды. Осылайша, «Герман-роман филология» кафедрасындағы Гоктюрк Джебеджиоглудың қызметі түрік тілін үйренумен қатар, Қазақстан мен Түркия арасындағы мәдени байланысты дамытуға мүмкіндік береді