Жұмыс сапары аясында Басқарма Төрағасы– Ректор Ербол Исақаев пен Агротехнологиялық факультетінің өкілдері  Новоишимский мелькомбинатына барды. Аймақтың азық-түлік базасын қалыптастыруда шешуші рөл атқаратын заманауи жемшөп өңдеу кәсіпорны. Комбинат астық шикізатын озық өңдеуге маманданған және тәулігіне 2500 тоннаға дейін жем ұнын өндіреді. Ағымдағы жылы кәсіпорында  жоғары өнімді рациондарды әзірлеуге және шығаруға, өңірдің сүт және ет фермаларын қамтамасыз етуге мүмкіндік беретін «келісімшарттық жем өндіру»жаңа бағыты іске қосылды. Екінші нысан «Будённое» ЖШС — жоғары өнімді мал шаруашылығын дамытуға бағытталған заманауи сүт-тауар фермасы болды. Бүгінгі күні кәсіпорынға ірі қара малдың алғашқы партиясы жеткізілді, қосымша партиясы да күтілуде. Сапар барысында жануарларды ұстау және азықтандыру технологиялары, өндірістік процестерді ұйымдастыру  мәселелері егжей-тегжейлі қаралды. Нәтижесінде екі тарап тәжірибеге бағдарланған өзара ынтымақтастық туралы келісімге келді. Тараптар білім алушылардың өндірістік практикасын ұйымдастыру, кәсіпорындардың білім беру процесіне қатысуы, сондай-ақ аграрлық ғылымның басым бағыттары бойынша ұйымдар консорциумы шеңберіндегі ынтымақтастық орнатуға келісті. Жемшөп сапасын бағалау мен азықтандыруды оңтайландыру, мал шаруашылығы жобаларын ғылыми қолдау, ынтымақтастықтың негізгі бағыттары бойынша Жол картасын бірлесіп әзірлеу туралы келісімге қол жеткізді.

Университет қабырғасында «Талқылау» диалог платформасы форматында Қазақстан Республикасындағы конституциялық реформаның негізгі бағыттарын талқылау бойынша кездесу өтті. Шараға халықаралық кампус студенттері, оқытушылар және қалалық мәслихатының депутаттары, AMANAT партиясының «Болашақ» филиалының өкілдері қатысты. Спикерлер атап өткендей бүгінгі қоғамда әділдікке, ашықтыққа, үкіметтің есеп беруіне және елді басқаруға азаматтардың шынайы қатысуына деген сұраныс артып келеді. Дәл осы талап конституциялық реформалардың бастапқы нүктесіне айналды. AMANAT партиясының «Болашақ» филиалының атқарушы хатшысы Александр Зельдің айтуынша бұл талқылаудың университеттік деңгейде өтуі ерекше маңызды. Білім алушылар арасында сыни ойлау, азаматтық белсенділік және елдің болашағы үшін жауапкершілікті түсіну қалыптасады. Оқытушылар мен студенттер реформалардың мәнін түсіндіруде және қоғамдық диалогты дамытуда орасан зор рөл атқарады. ҚР жаңа Конституциясының жобасы– мазмұны мен өзгерістерінің ауқымы дәстүрлі конституциялық түзетулердің ауқымынан әлдеқайда асып түсетін құжат. «Әлеуметтік желіде конституциялық реформа туралы көптеген жалған жаңалықтар бар. Сондықтан әркімнің жаңа жобамен танысып өткені маңызды. Өйткені, қазіргі уақытта бұл жобаны талқылау жалғасуда, түзетулер енгізілуде және комиссия күн сайын жұмыс істейді»,- деді қалалық мәслихат депутаты Елена Семидоцких. Студенттер түсіндірме сұрақтар қойып, түзетулер бойынша өз пікірлерін білдіре алды

Дене шынықтыру, құқық, филология, инженерия, журналистика және басқа да салалар үшін жоғары білікті мамандарды даярлаудағы тағы бір кезең аяқталды. Биыл магистратура бағдарламасын 44 студент бітірді, олардың 7 AlmaU-мен бірлескен бағдарлама бойынша MBA дипломдарын алды. Іс-шараға құрметті қонақтар, түлектер жиналды. «Магистр дәрежесі- сарапшы, зерттеуші ретінде саналы таңдау жасауға серпін береді. Оқу барысында білім алушылар диссертациялық жұмыс пен халықаралық ғылыми-практикалық конференцияларға қатысу арқылы ғылымға үлес қосты. Біздің аймағымызға педагогика, инженерия, агрономия сыңды басқа да салалар бойынша білікті кадрлар қажет»,- деді  Академиялық мәселелер жөніндегі Басқарма мүшесі Айгуль Нурпеисова. Университет ұжымы магистратура түлектерін шын жүректен құттықтайды! Кәсіби өсу және тамаша жетістіктер тілейміз!

Қозыбаев университетінің грек-рим күресінен балуаны Ислам Евлоев ел намысын абыроймен қорғап, жоғары деңгейде өнер көрсетті. Біздің спортшымыз UWW сериясындағы Zagreb Open 2026 (Хорватия) турнирінде күміс медаль жеңіп алды. Жарыс 4-8 ақпан аралығында өтті . Ислам 97 келіге дейінгі жаңа салмақ дәрежесінде бақ сынасып, әлемнің ең мықты балуандары арасында екінші орын алды. Ислам Евлоев - Дене шынықтыру және спорт кафедрасының ФКС-22-1 тобының студенті. Ол U20 әлем Чемпионаты мен жастар арасындағы Азия Чемпионатында, сондай-ақ ҚР XIII жазғы универсиадасында жеңіске жетті. Өткен жылы Эр-Риядта өткен 6-шы Ислам ынтымақтастық ойындарының финалында спортшы 87 келіге дейінгі салмақ дәрежесінде күміс медаль жеңіп алды. Ислам халықаралық беделді сайыстарда үздік нәтижелер көрсетіп келеді. Спорт жолында тек табыс тілейміз!

Университетте «Студенттердің академиялық жетістіктеріне шынымен не әсер етеді (Дж. Хетти жаһандық зерттеулеріне негізделген)» дәріс өтті. Бұл іс-шара «Өрлеу- Қозыбаев университеті» жобасының аясында, «Өрлеу біліктілікті арттыру ұлттық орталығы» АҚ филиалы СҚО кәсіби даму институтымен серіктестікті нығайту мақсатында өткізілді. Негізгі баяндамашы ретінде педагогика ғылымдарының кандидаты, доцент, СҚО кәсіби даму институтының директоры және университетіміздің түлегі Лейла Альмагамбетова сөз сөйледі. Дәріс Аризона университетімен бірлескен педагогикалық білім беру бағдарламалары бойынша 2 курс студенттеріне арналған «Білім беру реформаларын контекстке келтіру» курсы аясында ұйымдастырылды. Қонақ дәрісінің мақсаты білім беру реформасының тақырыбы болып табылатын бағалауды педагогикалық тәжірибе тұрғысынан ұсыну. Талқылауда білім беру саласындағы зерттеушісі және Мельбурн университетінің профессоры Дж. Хеттидің жаһандық зерттеулерінің материалдары мен нәтижелері ұсынылды. Шара соңында сыни ойлау тұрғысынан ең үздік сұрақтардың авторлары п.ғ.д. А. Мурзалиновадан «Жоғары оқу орнының академиялық дербестігі жағдайында үздіксіз кәсіби даму құзыреттілігін қалыптастырудың ғылыми-әдістемелік негіздері» монографиясын алды.

ЖОО-ға Түркиядан келген  ғалым, Бурса Улудаг университетінің профессоры доктор Эмин Атасой қазақстандық және шетелдік ғалымдармен бірлесіп, «Индонезиядағы жаңа перспективалы туристік бағыты – Ломбок аралы: туристік жерлер, кеңістік бөлу және аймақтық даму» тақырыбында ғылыми-зерттеу монографиясын дайындап, жариялады. Монографияның авторлық құрамында «География және экология» кафедрасының меңгерушісі, б.ғ.к. Бану Доскенова бар. Жұмыста халықаралық туризмді дамытудың замануи үрдістері, туристік бағыттардың тұрақты даму мәселелері және оларды  әлемдік туризм нарығына интеграциялау перспективалары қарастырылады. Халықаралық ғылыми ынтымақтастықтың нәтижесінде шыққан басылым-ғалымдардың, оқытушылар мен студенттердің , сондай-ақ география, туризм, аймақтық даму және экономика саласындағы мамандардың қызығушылығын арттырады. Монография университетіміздің халықаралық ғылыми байланыстарын нығайтуға ықпал етеді. ЖОО-ның география мен туризм саласындағы іргелі және қолданбалы зерттеулерді дамытуға қосқан үлесін арттырады.

ЖОО басшылығы, басқарма мүшелері, оқытушылар мен қызметкерлер ҚР жаңа Конституциясы жобасының негізгі тұжырымдарын талқылау мақсатында  жиын өткізді. Басқосуда сөз алған спикерлермен қатар студенттер де өз ой-пікірлерін білдіріп, белсенділік танытты Шараны бастаған Басқарма Төрағасы-Ректор Ербол Исақаев конституциялық өзгерістерді кәсіби тұрғыда талқылаудың маңыздылығына тоқталып,  құжат- еліміздің ертеңін айқындайтын стратегиялық мәні зор қадам екенін айрықша атады: «Бұл құжат– әрбір азамат үшін, әсіресе елдің ертеңін қалыптастыратын жастар үшін маңызды. Өзгерістер қазіргі Конституцияның көптеген ережелеріне әсер етеді. Алғаш рет кіріспе деңгейінде білім, ғылым, мәдениет және инновациялар ел дамуының негізгі құндылықтары ретінде бекітіліп, одан әрі жобаның баптары мен тармақтарында пәндік-құқықтық толықтырулар алынады. Яғни, бұл басымдықтар биліктің барлық тармақтары үшін ең жоғары құқықтық негізге айналады. Біз үшін - бұл жоғары академиялық жауапкершілік» Қатысушылардың айтуынша, ұсынылып отырған өзгерістер мемлекет пен қоғам арасындағы өзара жауапкершілікті күшейтіп, құқықтық нормалардың тиімді іске асуына жаңа мүмкіндік береді

Университетіміздің спортшылары отандық спорттың дамуына елеулі үлес қосып, республикалық және әлемдік деңгейде сенімді өнер көрсетіп келеді! ЖОО-ның екі студенті ұлттық құраманың қатарына кіреді. Сауд Арабиясының Әл-Қассим қаласында өткен тас жолдағы велоспорттан Азия чемпионатында жеке жарыста бақ сынасты. ПФ білім алушысы ФКС 23-1 Мансур Бейсембай Азия чемпионы атанды! Мансур 23 жасқа дейінгі ерлер арасындағы жеке жарыста жеңіске жетті. Әлемнің түкпір-тікпірінен қатысқан мықты қарсыластарын озып, 24,6 км жерді 29 минут 03 секундта жүріп өтті. Мансур Бейсембайды тамаша жеңісімен құттықтаймыз! Білім ордамыздың студенті Михаил Подлужныйға жаңа жеңістер тілейміз!

Дженни Ли – Аризона университетінің халықаралық істер бойынша вице-президенті, деканы, халықаралық білім беру саласының беделді сарапшысы .  Ол 2026 жылы Education Week журналы жариялаған Edu-Scholar Public Influence Rankings рейтингі бойынша АҚШ-тағы білім беру саласының ең ықпалды 200 ғалымы қатарына енді. Дженни Лиді шын жүректен құттықтаймыз! Бұл жоғары баға доктор Лидің білім саясаты, ғылыми зерттеулері және халықаралық білім беру саласындағы ерен еңбегін дәлелдейді. Kozybayev University үшін бұл жетістік айрықша маңызды. Біздің университет Қазақстанда микрокампус форматы бойынша АҚШ университетімен стратегиялық әріптестік орнатқан алғашқы оқу орны болып табылады. Біз The University of Arizona сияқты білім беру саласының жаһандық көшбасшыларымен ынтымақтаса жұмыс жасаймыз. Бұл әріптестік академиялық байланыстарды нығайтып, студенттер мен оқытушыларға халықаралық мүмкіндіктер ашады, сонымен қатар Қазақстандағы ғылым мен білім дамуына жаңа мүмкіндіктер береді. Доктор Дженни Лиге халықаралық білім беруді дамытуға қосқан зор үлесі, кәсібилігі және стратегиялық әріптестікті қолдағаны үшін шын жүректен алғыс білдіреміз. Жаңа жетістіктер мен жаһандық бастамаларға шабыт  тілейміз.

Осы аптада оқу ордамыздың AФ, ТӘИ және ТЭҚФ факультеттерінде AMANAT партиясының «Болашақ» филиалының қолдауымен ҚР жаңа Конституциясының жобасын талқылауға арналған кездесулер ұйымдастырылды. Іс-шара модераторы AMANAT партиясының «Болашақ» филиалының хатшысы Александр Зель конституциялық өзгерістердің маңыздылығын атап өтті: «Жаңа Конституцияның мазмұны, ұсынылып отырған бастамалары саяси жүйені жетілдіруге ықпал етеді.Сонымен қатар, білім беру жүйесі мен жастар тәрбиесінде адам құқықтары мен бостандықтарын қорғауды күшейтуге құқықтық сананы арттыруға бағытталған ». Кездесу барысында Конституцияның рөлі, азаматтық қоғамды дамыту, құқықтық мәдениет, этносаяси тұрақтылық және жастардың елдің қоғамдық-саяси өміріне қатысу мәселелері талқыланды. Спикерлер конституция жобасына енгізілетін негізгі өзгерістерге егжей-тегжейлі тоқталды.